कञ्चनमा गाई भैसीमा लाग्ने खोरेत बिरुद्धको खोप लगाइदै

कृषि

Home
कृषि
कञ्चनमा गाई भैसीमा लाग्ने खोरेत बिरुद्धको खोप लगाइदै

कञ्चनमा गाई भैसीमा लाग्ने खोरेत बिरुद्धको खोप लगाइदै

शुक्रवार, बैशाख १७, २०७८ कञ्चन खवर

१७ बैसाख,कञ्चन
कञ्चन गाउपालिकाले गाई भैसीमा लाग्ने रोग खोरेत बिरुद्धको खोप संचालन गर्ने भएको छ । पशु चौपायामा महामारीको रुपमा लाग्ने रोग खोरेतको रोकथाम तथा नियन्त्रणका लागि कञ्चन गाउपालिकाका करिब १५ हजार गाई भैसीहरुमा खोप लगाइन लागेको पशु सेवा प्राबिधिक भास्कर घिमिरेले जानकारी दिनु भएको छ।
बिशेषगरी गाई भैसीहरुको खुरमा घाउ भई खुट्टा खोच्याउने,मुखमा घाउ देखिने र मुखबाट र्याल चुहाइरहने लक्षण रहेको खोरेत रोग जुनसुकै समयमा पनि महामारीको रुपमा फैलिने भएकोले हरेक बर्ष खोप लगाइने गर्छ । गत बर्ष कोभिड १९ को संक्रमणका कारण अनिवार्य रुपमा लगाइनु पर्ने खोरेत बिरुद्धको खोप नलगाइएको र यस बर्ष कोभिड १९को संक्रमण फैलिरहेको अवस्थामा स्वास्थ्य मापदण्ड अपनाई किसानहरुको गोठ गोठमा गई गाई भैसीहरुलाई खोप लगाइने पशु सेवा प्राबिधिक भास्कर घिमिरेले बताउनु भएको छ।
घिमिरेका अनुसार खोरेत बिरुद्धको खोप सम्पन्न भए लगत्तै गाई भैसीमा लाग्ने भ्यागुते, चरचरे र बाख्रामा लाग्ने रोग पिपिआर बिरुद्धको खोप,बंगुरमा लाग्ने स्वाइन फिवर र कुखुराका लागि रानीखेत रोग बिरुद्धको खोप शुरु गरिनेछ ।

प्रकाशित मिति: शुक्रवार, बैशाख १७, २०७८, ०८:४४:००