स्थायी शिक्षकको परीक्षा आजदेखि सुरू

शिक्षा

Home
शिक्षा
स्थायी शिक्षकको परीक्षा आजदेखि सुरू

स्थायी शिक्षकको परीक्षा आजदेखि सुरू

मंगलबार, चैत्र १५, २०७८ कञ्चन खवर

१५ चैत , काठमाण्डौ ।

शिक्षक सेवा आयोगको स्थायी शिक्षकको परीक्षा आजदेखि सुरू भएको छ । आज माध्यमिक तह माविको शिक्षकको परीक्षा हुन लागेको हो । आयोगले १७ हजार ३ सय ३२ शिक्षकका लागि आजदेखि परीक्षा लिन लागेको छ । आयोगकाका अनुसार झन्डै साढे १५ सय मावि शिक्षक पदपूर्ति गर्न ३५ हजार ५ सय ५६ जनाले आवेदन दिएका छन् । मावि तहको परीक्षामा १ हजार ५ सय ५२ पदका लागि १ सय ५४ केन्द्र निर्धारण गरिएको छ।

आयोगले मावि तहमा १ हजार ५ सय ५२, निमाविमा २ हजार ५ सय ९८ र प्राविका लागि १३ हजार ९३ शिक्षकको विज्ञापन खुला गरेको थियो । परीक्षामा परीक्षार्थीले प्रवेशपत्रसहित परिचय खुल्ने प्रमाणपत्र लिएर जानुपर्नेछ । आयोगका अनुसार आज मावि, पर्सि बिहिवार निम्न माध्यमिक र आउँदो शनिवार प्राथमिक र सोमवार आन्तरिक बढुवातर्फको परीक्षा हुनेछ । पाँच वर्षपछि हुन लागेको परीक्षामा सय पूर्णाङ्कको परीक्षा हुदैछ । यो परीक्षामा ४० प्रतिशत अङ्क ल्याउने परीक्षार्थी उत्तीर्ण हुनेछन् ।

प्रकाशित मिति: मंगलबार, चैत्र १५, २०७८, ०९:४९:००