शाइन आर्थिक पत्रकारिता पुरस्कार राज्य टेलिभिजनका भुसाललाई

आर्थिक

Home
आर्थिक
शाइन आर्थिक पत्रकारिता पुरस्कार राज्य टेलिभिजनका भुसाललाई

शाइन आर्थिक पत्रकारिता पुरस्कार राज्य टेलिभिजनका भुसाललाई

बिहिवार, फाल्गुन १२, २०७८ कञ्चन खवर

१२ फागुन, कञ्चन
शाइन आर्थिक पत्रकारिता पुरस्कारका लागि पाँच लाख रुपैयाँको अक्षयकोष स्थापना गर्दै शाइन आर्थिक पत्रकारिता पुरस्कार–२०७८बाट शाइन रेसुंगा डेभलपमेन्ट बैंक लिमिटेडले बुधवार पत्रकार यमलाल भुसाललाई प्रदान गरेको छ । यस अघि नै नेपाल पत्रकार महासंघ रुपन्देहीसंगको सहकार्यमा ३ लाख रुपैयाको अक्षयकोष स्थापना गरेको थियो भने १४ औं बार्षिक उत्सवको अवसरमा बैंकले सो राशीमा २ लाख थप गरेर ५ लाख बनाएको हो।
बैंकको १४औं वार्षिकोत्सवको अवसरमा बैंकको केन्द्रीय कार्यालय बुटवलमा बुधबार आयोजित कार्यक्रममा बैंकका अध्यक्ष थानेश्वर पौडेल, बैंकका प्रमुख कार्यकारी अधिकृत प्रकाश पौडेल, लुम्बिनी प्रदेश सभा सदस्य विष्णु पन्थी, पत्रकार महासंघ रुपन्देहीका अध्यक्ष रामराज पोखरेलले भुसाललाई संयुक्त रुपमा पुरस्कार प्रदान गर्नु भएको छ। राज्य टेलिभिजन बुटवलका समाचार प्रमुख समेत रहनु भएका भुसाल २८ वर्षदेखि निरन्तर रुपमा पत्रकारिता गर्दै आउनु भएको छ। बैंकको बार्षिक उत्सवको अवसरमा ५१ हजार पुरस्कार राशी सहितको पुरस्कार पत्रकार भुषालले प्राप्त गर्नु भएको हो
बैंकले स्थापना गरेको अक्षयकोषको ब्याजबाट प्रत्येक वर्ष एक जना पत्रकारलाई ५१ हजार रुपैयां राशीको शाइन आर्थिक पत्रकारिता पुरस्कार वितरण गर्दै जाने बैंकका प्रमुख कार्यकारी अधिकृत प्रकाश पौडेलले बताउनु भयो।बार्षिक अवसरमा बोल्दै नेपाल पत्रकार महासंघ रुपन्देहीका अध्यक्ष रामराज पोखरेलले रुपन्देहीमा सबैभन्दा ठूला नगद राशी भएको पत्रकारिता पुरस्कार भएको उल्लेख गर्नु भयो। बैंकले सामाजिक उत्तरदायित्वका क्षेत्रमा समेत उल्लेख्य काम गरेको बताउदै महासंघका अध्यक्ष पोख्रेलले लुम्बिनी प्रदेशका अन्य विकास बैंकहरु अरुमा बिलय भएर गएका तर शाइन रेसुंगाले आफ्नो पहिचानलाई जोगाउंदै प्रदेशकै अग्रणी बैंकका रुपमा उभ्याउन सफल भएको समेत बताउनु भयो ।
यसैगरी आफ्नो बार्षिक उत्सवको अवसरमा बैंकले आईटी विभागका प्रितेश सिंहलाई शाइन इन्नोभेसन अवार्ड, शंकरनगर शाखालाई शहरी क्षेत्रको उत्कृष्ट शाखा र प्युठानको भिङग्री शाखालाई ग्रामीण क्षेत्रको उत्कृष्ट शाखाका रुपमा पुरस्कृत गरेको छ ।
कार्यक्रममा बैंकका अध्यक्ष थानेश्वर पौडेलले २०६५ साल फागुन ११ गते तीन जिल्ला कार्यक्षेत्रसहित शुरु भएको बैंकको पुँजी ५ अर्ब, चुक्ता पूँजी ३ अर्व ७८ करोड, लुम्बिनी प्रदेशका रोल्पा र रुकुम बाहेक १० जिल्लामा ७१ वटा शाखा कार्यालय र एउटा एक्सटेन्सन कार्यालय सहित कूल ८३ वटा शाखा कार्यालय र ७ वटा एटिएम सञ्चालनमा रहेको जानकारी गराउनु भयो ।
यस्तै अध्यक्ष पौडेलले बैंकले पुस मसान्तसम्म ४१ अर्ब १६ करोड निक्षेप संकलन गरी ३७ अर्ब ३२ करोड कर्जा प्रवाह गरेको र ५ लाख भन्दा बढी ग्राहकहरु रहेको जानकारी गराउनु हुदै बैंकले २०७८ पौष मसान्त सम्ममा कृषि क्षेत्रमा ७.८५ प्रतिशत, पयर्टन क्षेत्रमा १४.०६ प्रतिशत र लघु, घरेलु तथा साना उद्यम÷ब्यवसाय क्षेत्रमा ९.८४ प्रतिशत गरी प्राथमिकताप्राप्त क्षेत्रमा कूल कर्जाको ३१.७५ प्रतिशत लगानी गरिरहेको पौडेलले जानकारी गराउनु भयो ।
समाजसंगै बैंक भन्ने अभियान अन्तर्गत बैंकले संस्थागत सामाजिक क्षेत्र अन्तर्गत दुर्घटना न्यूनीकरण, सरसफाई तथा वातावरणको संरक्षण, शैक्षिक क्षेत्र, वित्तीय जागरण, दन्त स्वास्थ्य उपचार शिविर लगायतका क्षेत्रहरुमा काम गरेको अध्यक्ष पौडेलले बताउनु भयो ।बैंकले नगदरहित कारोबारलाई प्रोत्साहन गर्न चालु आ.व. मा बैंकको शाखा कार्यालयहरु सञ्चालनमा रहेका बिभिन्न जिल्लामा सञ्चालित २६ वटा शैक्षिक संस्थामा डिजिटल बैंकिङ्ग साक्षरता कार्यक्रम सञ्चालन गरेको र आगामी आर्थिक बर्षमा १४ वटा सरकारी बिद्यालयहरुलाई डिजिटलमैत्री बनाउन डिजिटल बैंकिङ्ग सम्बन्धी साक्षरता अभियान सञ्चालन गर्ने अध्यक्ष पौडेलले जानकारी गराउनु भयो ।
कार्यक्रममा बैंकका प्रमुख कार्यकारी अधिकृत प्रकाश पौडेलले इथिकल बैंकिङलाई केन्द्रमा राखेर लुम्बिनी प्रदेशको आर्थिक विकास र समृद्धिका लागि दरिलो खम्बाको रुपमा प्रदेशको पहिलो रोजाईको बैंक बनाउन अग्रसर रहेको बताउनु भयो ।
गत वर्षदेखि राष्ट्रियस्तरमा स्तरोन्नति भएको बैंकले आगामी दिनमा नेपाल धितोपत्र बोर्डवाट अनुमति लिई मर्चेन्ट बैकिङ्ग सम्बन्धी काम गर्ने सहायक कम्पनी स्थापना गर्ने लक्ष्य लिएको सीईओ पौडेलले बताउनु भयो।a

प्रकाशित मिति: बिहिवार, फाल्गुन १२, २०७८, ०८:१६:००