अव बैंकको ब्याजदर साढे ८ प्रतिशत

आर्थिक

Home
आर्थिक
अव बैंकको ब्याजदर साढे ८ प्रतिशत

अव बैंकको ब्याजदर साढे ८ प्रतिशत

शनिवार, श्रावण ७, २०७९ कञ्चन खवर

७ साउन,काठमाडौं
अव बैंकको व्याजदर साढे ८ प्रतिशत हुने गरी नेपाल राष्ट्र बैंकले बैंकको ब्याजदर बढाएको छ । राष्ट्र बैंकका गभर्नर महाप्रसाद अधिकारीले शुक्रबार चालु आर्थिक वर्ष २०७९/८० को मौद्रिक नीति सार्वजनिक गर्दै उक्र व्याजदर बढाएका हुन ।अहिले सम्म राष्ट्र बैंकले ७ प्रतिशत व्याजदरमा साढे १ प्रतिशत बढाएर साढे ८ प्रतिशत पु¥याएको हो ।
योसँगै बैंकहरुबीच एक आपसमा हुने कारोबारको दर बढ्ने भएको छ । राष्ट्र बैंकले चालु आर्थिक वर्षमा अनिवार्य नगद मौज्दात (सीआरआर) को सीमा ३ प्रतिशतबाट बढाएर ४ प्रतिशत कायम गरेको छ ।
शुक्रवार सार्वजनिक भएको मौद्रिक नीति बमोजिम अब बैंकहरुले निक्षेपको ४ प्रतिशत रकम अनिवार्य रुपमा मौज्दात राख्नुपर्नेछ । वैधानिक तरलता अनुपात (एसएलआर) को सीमा समेत बढेको छ । राष्ट्र बैंकले पुस मसान्तभित्र वाणिज्य बैंकले १२ प्रतिशत, विकास बैंकले १० प्रतिशत एसएलआर राख्नुपर्ने व्यवस्था गरेको हो ।नेपाल राष्ट्र बैंकले दुईथरी ब्याजदरको व्यवस्था गरेको छ । मौद्रिक नीतिमार्फत कृषि र उद्योगलाई प्रोत्साहन गर्न दुईथरी ब्याजको व्यवस्था भएको हो । बढ्दो आयातालाई निरुत्साहित गर्न पुँजीगत वस्तुबाहेकको आयात गर्दा नै ब्याजदर दुईथरी हुनेछ ।
एलसी खोल्दा नै पुँजीगत वस्तुका लागि ब्याजदर कम हुने व्यवस्था गरिनेछ भने अन्य वस्तु आयातमा ब्याजदर उच्च हुनेछ । पछिल्लो समय अत्यावश्यक मानिएका खाद्यान्न र कतिपय अनावश्यक वस्तुको पनि आयात बढेको भन्दै त्यसलाई निरुत्साहन गर्न पूँजीगत वस्तुको आयात र अन्य वस्तुको आयातमा कम्तीमा २ प्रतिशत बिन्दूले ब्याज फरक हुने व्यवस्था मौद्रिक नीतिमार्फत गरिएको हो ।

प्रकाशित मिति: शनिवार, श्रावण ७, २०७९, ०६:२३:००