अव हरेक महिना टाईफाइड बिरुद्धको खोप स्थानीय स्वास्थ्य केन्द्रहरुबाट

स्वास्थ्य

Home
स्वास्थ्य
अव हरेक महिना टाईफाइड बिरुद्धको खोप स्थानीय स्वास्थ्य केन्द्रहरुबाट

अव हरेक महिना टाईफाइड बिरुद्धको खोप स्थानीय स्वास्थ्य केन्द्रहरुबाट

मंगलबार, जेठ १०, २०७९ कञ्चन खवर

१० जेठ, कञ्चन
१५ महिना पुरा भई १५ बर्ष सम्मकालाई लगाइएको टाइफाइड बिरुद्धको खोप अव नियमित खोपको रुपमा हरेक महिना उपलब्ध हुने भएको छ। हरेक महिना १५ महिना पुरा भएका बालबालिकाहरुलाई नियमित खोपको रुपमा उपलब्ध हुने कुरा रुद्रपुर स्वास्थ्य चौकीमा गरिएको एक कार्यक्रम मार्फत कञ्चन गाउपालिका स्वास्थ्य शाखा प्रमुख राम प्रसाद गौतमले जानकारी दिनु भएको हो ।
टाईफाईड रोगका कारण अकालमै मृत्यु हुन सक्ने सम्भावनालाई न्युनिकरण तथा रोकथाम गर्न राष्ट्रिय खोप अभियानको रुपमा सञ्चालन गरिएको टाईफाइड बिरुद्धको खोप हरे स्थानीय तहमा रहेका स्वास्थ्य चौकी, आधारभुत स्वास्थ्य केन्द्र तथा नजिकैको गाउघरे क्लिनिकहरुबाट उपलब्ध गराउन लागिएको हो ।
हालसम्म मासिक रुपमा १२ रोगहरुका बिरुद्ध ८ प्रकारका खोपहरु लगाइदै आएकोमा यस महिना देखि टाइफाईड बिरुद्धको थप एक खोप थपी १३ रोगका बिरुद्ध ९ वटा खोप मासिक रुपमा लगाइने भएको कञ्चन गाउपालिका स्वास्थ्य शाखा प्रमुख राम प्रसाद गौतमले जानकारी दिनु भयो ।
टाईफाइड बिरुद्धको खोपलाई मासिक खोपको रुपमा शुभारम्भ गर्दै कञ्चन गाउपालिकाका प्रमुख प्रशासकिय अधिकृत काशीराम पन्थीले कञ्चनवासीको गुणस्तर स्वास्थ्य सेवा उपलब्ध गराउन कञ्चन गाउपालिका सदैव प्रतिबद्ध भइरहेको बताउनु भयो । जनप्रतिनीधि, सामुदायिक महिला स्वास्थ्य स्वयम सेविका, स्वास्थ्यकर्मी, स्थानीय संघसंस्था, सञ्चारकर्मी लगायतहरुको सहयोग र समन्वयमा कञ्चनलाई पुर्ण खोपयुक्त पालिका बनाउन सफल भएको बताउदै प्रमुख प्रशासकिय अधिकृत पन्थीले १५ महिना पुरा भएका सबै बालबालिकाहरुको नैसर्गिक अधिकारको रुपमा टाईफाईड बिरुद्धको खोप पनि राष्ट्रिय खोपको रुपमा सञ्चालन भएको समेत बताउनु भयो ।
रुद्रपुर स्वास्थ्य चौकी व्यबस्थापन समितिका सदस्य मैना कुमारी कार्कीको अध्यक्षता तथा रुद्रपुर स्वास्थ्य चौकीका इन्चार्ज विमला पाण्डेको संचालनमा सम्पन्न कार्यक्रममा नव निर्वाचित जनप्रतिनीधिहरुलाई रुद्रपुर स्वास्थ्य चौकी व्यबस्थापन समितिका पदाधिकारी, स्वास्थ्यकर्मी,कर्मचारी, सामुदायिक महिला स्वास्थ्य स्वयम सेविकाहरुद्वारा स्वागत तथा सम्मान सेमत गरिएको थियो।

प्रकाशित मिति: मंगलबार, जेठ १०, २०७९, ०६:४७:००