युक्रेन–रुस युद्धका कारण विश्वव्यापी खाद्य संकट निम्तन सक्ने बाईडेनको भनाई

अन्तराष्ट्रिय

Home
अन्तराष्ट्रिय
युक्रेन–रुस युद्धका कारण विश्वव्यापी खाद्य संकट निम्तन सक्ने बाईडेनको भनाई

युक्रेन–रुस युद्धका कारण विश्वव्यापी खाद्य संकट निम्तन सक्ने बाईडेनको भनाई

मंगलबार, जेठ १०, २०७९ कञ्चन खवर

१० जेष्ठ, काठमाडौं ।

अमेरिकी राष्ट्रपति जो बाईडेनले रुस–युक्रेन युद्धले विश्वलाई नै असर पारेको बताउनुभएको छ । क्वाड शिखर सम्मेलनको उद्घाटन सत्रलाई सम्बोधन गर्दै राष्ट्रपति बाईडेनले युक्रेनमाथि रुसको नाकाबन्दीका कारण खाद्यान्न निर्यात ठप्प हुँदा विश्वव्यापी खाद्य संकट निम्तन सक्ने भन्दै यसको असर विश्वव्यापी बन्न सक्ने बताउनुभएको हो ।
बाइडेनले अन्तर्राष्ट्रिय व्यवस्था र सार्वभौमिकताको रक्षा गर्न इन्डो–प्यासिफिक क्षेत्रमा बलियो र स्थायी साझेदार रहने प्रतिबद्धता जनाउनुभयो । साथै उहाँले अमेरिकाले विश्वव्यापी संकटको नेतृत्व गर्न सहयोगीहरूसँग मिलेर काम गर्ने वाचा गर्नुभएको अन्तराष्ट्रिय सञ्चारमाध्यमले जनाएका छन् ।
अन्तर्राष्ट्रिय व्यवस्थाको रक्षाको महत्त्वलाई जोड दिँदै उहाँले रुस–युक्रेन युद्ध अब “वैश्विक मुद्दा“ बनेको बताउनुभयो ।
बाइडेनले युक्रेनमाथि रूसको आक्रमण हाम्रो साझा इतिहासको कालो घडी हो भन्नुभयो । राष्ट्रपतिका रूपमा आफ्नो पहिलो एसिया भ्रमणका क्रममा बाइडेनले टोकियोमा जापान, अष्ट्रेलिया र भारतका नेताहरूसँग भेट गर्दै हुनुहुन्छ । यस्तै, क्वाड बैठकको उद्घाटनमा जापानी प्रधानमन्त्री फुमियो किशिदाले पनि एसियामा यस्तो आक्रमण हुन नहुने बताउनुभएको छ । अस्ट्रेलियाका नवनिर्वाचित प्रधानमन्त्री एन्थोनी अल्बानीजले क्षेत्रीय सुरक्षा र जलवायु परिवर्तनप्रति आफ्नो देशको प्रतिबद्धतालाई जोड दिनुभयो ।
यसैबीच शिखर सम्मेलनको आफ्नो उद्घाटन सम्बोधनमा भारतीय प्रधानमन्त्री नरेन्द्र मोदीले भने रुस–युक्रेन मुद्दालाई उल्लेख नगरेको बताईको छ ।
बैठकमा हिन्द–प्रशान्त क्षेत्रमा चीनको बढ्दो प्रभाव र रुसी आक्रमणलाई लिएर मतभेदहरू सहित सुरक्षा र आर्थिक चिन्ताहरू छलफल गरिरहेका छन् । भारत अहिलेसम्म एक मात्र क्वाड सदस्य हो जसले आक्रमणको लागि रुसको प्रत्यक्ष आलोचना गर्न अस्वीकार गरेको छ ।

प्रकाशित मिति: मंगलबार, जेठ १०, २०७९, ०४:५८:००