पाँच दिनको अन्तरालमा पोखरीमा डुबेर ६ जनाको मृत्यु

राष्ट्रिय

Home
राष्ट्रिय
पाँच दिनको अन्तरालमा पोखरीमा डुबेर ६ जनाको मृत्यु

पाँच दिनको अन्तरालमा पोखरीमा डुबेर ६ जनाको मृत्यु

आइतवार, आश्विन १०, २०७८ कञ्चन खवर

१० असोज, सप्तरी ।

पाँच दिनको अन्तरालमा पोखरीमा डुबेर ६ जनाको मृत्यु भएको छ । यो घटना सप्तरीको हो । सप्तरीको शम्भुनाथ नगरपालिका–१२ अर्नाहा टोल बस्ने महानन्द सरदारका छोरा दुई वर्षीय राम पुकारको शनिबार राति पोखरीमा डुबेर मृत्यु भएको थियो । यसैगरी शुक्रबार विष्णुपुर गाउँपालिका–५ मा खेल्ने क्रममा आजाद अलीका तीन वर्षीय छोरा रहमतको पोखरीमा डुबेर मृत्यु भएको प्रहरीको भनाई छ ।
उता महदेवा गाउँपालिका–२ अकबरपुरकी रामचरित्र मण्डलकी पाँच वर्षीया छोरी शिवानीको बुधबार नुहाउने क्रममा पोखरीमा डुबेर मृत्यु भएको थियो । महदेवा गाउँपालिका–४ को पोखरीमा भाँडा पखाल्न गएको समयमा ३० वर्षीया लक्षनकुमारी र सोही दिन खड्ग नगरपालिका–८ मुसहरनियामा आफ्नै पोखरीमा राजेशकुमार चौधरीकी छोरी तीन वर्षीया एलिजा कुमारीको डुबेर ज्यान गएको जनाईएको छ, भने सोही दिन तिलाठी कोइलाडी गाउँपालिका–२मा १२ वर्षीया सवाना खातुनको नहरमा कपडा धुदै गर्दा डुबेर ज्यान गएको थियो । यसरी दिनप्रतिदिन सप्तरीका बिभिन्न ठाँउमा डुबेर मानिसको ज्यान जान थालेपछि सप्तरी बासी निकै नै दुखी बनेका छन ।

प्रकाशित मिति: आइतवार, आश्विन १०, २०७८, ०६:११:००