आज देखि बुटवलको मगर किचनसमा माघे सकराती विशेष कार्यक्रम

समाचार

Home
समाचार
आज देखि बुटवलको मगर किचनसमा माघे सकराती विशेष कार्यक्रम

आज देखि बुटवलको मगर किचनसमा माघे सकराती विशेष कार्यक्रम

बिहिवार, पुष २९, २०७८ कञ्चन खवर

२९ पुष,बुटवल
मगर समुदायको सांस्कृतिक पर्व माघे संक्रान्तिको अवसरमा आज पुष २९ गते देखि बुटवलमा ‘माघे सकराती विशेष कार्यक्रम २०७८’ शुरु हुदैछ ।
नेपाल मगर महिला संघ, रुपन्देही जिल्ला समितिको आयोजनामा मगर परिकारको स्वाद पस्कदै आएको मगर्स किचनको सहकार्यमा मगर समुदायको मौलिक स्वादका विभिन्न परिकारहरु सहित माघे संंक्रान्ती पर्वलाई विशेष बनाउने उद्देश्यका साथ ३ दिनसम्म मनाईने भएको हो ।
नेपाल मगर महिला संघ, रुपन्देही जिल्ला समितिका अध्यक्ष चन्दा थापा मगरले कार्यक्रमको सम्पुर्ण तयारी पुरा भएको बताउनु भएको छ। । नेपाल मगर महिला संघले मगर समुदायको सांस्कृतिक पर्व माघे सकरातीको शुभ अवसरमा हरेक वर्ष रचनात्मक र चेतनामूलक कार्यक्रमको निरन्तरता दिदै कार्यक्रम गर्न लागेको अध्यक्ष चन्दा थापा मगरले बताउनु भयो ।
माघे सकरातीमा मगरहरुको खाने गरेका विभिन्न खानेकुराहरु तरुल, सखरखण्ड, सेलरोटी, बारा र वाक्स्या (बंगुरको मासु) विरमला सिस्नु र सिस्नुबाट बनेका परिकारहरु लगायतका परिकारहरु खान पाइने वहाँले बताउनु भयो । तिन दिन सम्म सञ्चालन हुने कार्यक्रममा मगर जातीमा प्रचलित घाटुँ नाच, साली ज्यू तथा कौराहा र सोरठी लगायत परमपरागत कला प्रस्तुत गरी कार्यक्रममा आउनुे पाहुनाहरूलाई भरपुर मनोरञ्जन समेत दिइने अध्यक्ष मगरले जानकारी दिनु भयो। कार्यक्रममा बिभिन्न पेसामा आवद्ध व्यक्तित्वहरु, बुद्धिजीवि, डाक्टर, वकिल, शिक्षक, पत्रकार, व्यापारी तथा व्यबसायीहरुसँग मगरहरुको भाषा, भेषभूषा तथा चाडपर्वको विषयमा अन्तरक्रिया कार्यक्रम पनि गरिने वहाँले बताउनु भयो।
प्रकृतिप्रेमी जातीका रुपमा पहिचान बनाएको मगरजातीले ऋतु परिवर्तनसंग जोडिएको पर्वको रुपमा माघ महिनालाई लिने गर्दछन । कार्यक्रमको शुभारम्भ लुम्बिनी प्रदेशका उर्जा, जलश्रोत तथा सिचाइ मन्त्री माननीय वीर बहादुर राना मगरले आज बिहिबार दिउस १ बजे गर्नु हुनेछ।
विभिन्न समयमा नेपाल मगर महिला संघ मगर समुदायको सशक्तिकरण र पैरवीका साथै जातिगत सीप, कला, संस्कृति र परमपराको संरक्षण र प्रवद्र्धन गर्ने खालका विभिन्न रचनात्मक कार्यहरु सञ्चालन गर्दै आइरहेको अध्यक्ष चन्दा थापा मगरले बताउनु भयो ।

प्रकाशित मिति: बिहिवार, पुष २९, २०७८, ०९:४६:००

प्रतिक्रिया दिनुहोस्