विश्वमा पहिलोपटक बेलायतले गर्यो दुवै हातको सफल प्रत्यारोपण

समाचार

Home
समाचार
विश्वमा पहिलोपटक बेलायतले गर्यो दुवै हातको सफल प्रत्यारोपण

विश्वमा पहिलोपटक बेलायतले गर्यो दुवै हातको सफल प्रत्यारोपण

शुक्रवार, जेठ १३, २०७९ कञ्चन खवर

१३ जेठ, एजेन्सी ।

घरको छानामा टायल लगाउने काम गर्ने स्टिभन ग्यालाघेरलाई ‘स्क्लेरोडर्मा लागेपछि उनका हात प्रयोगहिन भएको थियो । बेलायतको ‘नेशनल हेल्थ सर्विस ९एनएचएस०’ का शल्य चिकित्सकले ग्यालाघेरका दुवै हात सफल रुपमा प्रत्यारोपण गरेका छन् । यो विश्वमै पहिलोपटक दुवै हातको सफल अपरेशन हो ।
ग्यालाघेरलाई स्क्लेरोडर्मा रोगले समाएपछि विस्तारै उनको हात कमजोर बन्दै गएको थियो । छाला र आन्तरिक अंगमा असर गर्ने यो रोगको कारणले अन्ततः उनको हातका सबै औँला दोब्रिएर स्थायी मुठी पर्यो । १३ वर्षअघि पहिलोपटक उनको छालामा दाग देखिएर सुरु भएको रोगले सुरुमा उनको नाक र मुखलाई असर गरेको थियो । त्यसपछि उनको औँलाहरु दोब्रिन थाल्यो । यस क्रममा उनी ‘ठूलो पीडा’ मा बाँचे ।
तर अहिले लिड्स टिचिङ हस्पिटलको एनएचएस ट्रस्ट १२ घण्टा लामो अपरेसनपछि विश्वमा पहिलो पटक दुवै हातको सफल प्रत्यारोप भएको छ । अब ग्यालाघेर धाराको टुटी खोलेर पानी भर्न सक्ने भएका छन् । अहिले ४८ वर्षे ग्यालाघेर काममा फर्किन सक्ने आशा गर्न थालेका छन् । अप्रेसन सकिएर ब्युजिना साथ म हात चलाउन सक्ने भएको थिएँ ,’ ग्यालाघेरले भने । ग्यालाघेरको प्रत्यारोपणको शल्यक्रिया पाँच महिनाअघि सन् २०२१ डिसेम्बरमा भएको थियो । त्यसयता उनी नियमित अस्पताल गएर फिजियोथेरापी गर्छन् र चिकित्सकलाई देखाउँछन् । विगत पाँच महिनाको अवधिमा उनको स्वास्थ्य स्थिति निरन्तरमा सुधार आइरहेको छ । तथापि उनी सर्टको टाँक लगाउनेजस्ता सुक्ष्म काम गर्न सक्दैनन् तर पनि उनी कुकुरलाई धाप मार्न सक्ने भएकोमा खुसी छन् ।
यसै पनि औँला दोब्रिएर हात मुठ्ठी परेर केही काम गर्न नसक्ने भएपछि गलाघेरको लागि हात गुमाएजस्तै भएको थियो ।

प्रकाशित मिति: शुक्रवार, जेठ १३, २०७९, १२:१०:००