कफी पिएर सपिङ गर्दा खल्ती रित्तिन सक्ने नयाँ अनुसन्धानको खुलासा

समाचार

Home
समाचार
कफी पिएर सपिङ गर्दा खल्ती रित्तिन सक्ने नयाँ अनुसन्धानको खुलासा

कफी पिएर सपिङ गर्दा खल्ती रित्तिन सक्ने नयाँ अनुसन्धानको खुलासा

बिहिवार, असार ९, २०७९ कञ्चन खवर

९ असार, एजेन्सी ।

कफी पिउन शौख भएका मानिसहरुलाई कफी बारे यो कुरा सायद थाहा छैन होला । कफी पिउनु तपाईंका लागि महँगो पनि साबित हुनसक्छ । तर यहाँ कफी पिउँदा तपाईंको शरीरलाई कस्तो असर पर्छ भनेर हामीले यहाँ जानकारी दिन लागेका छैनौँ । हामील कफी पिउँदा तपाईंको खल्ती रित्तो पनि हुनसक्छ है भनेर अवगत गराउँदैछौँ । एक नयाँ शोधका अनुसार सपिङमा निस्कनु अघि तपाईंले एक कप क्याफिन भएको कफी पिउनु हुन्छ भने तपाईं करिब ५० प्रतिशतभन्दा बढी पैसा खर्च गर्न सक्नुहुन्छ । जर्नल अफ मार्केटिङमा प्रकाशित शोधमा बताइए अनुसार यस्तो गर्दा तपाईं ३० प्रतिशत बढी सामान खरिद गर्नुहुनेछ । क्याफिनले खर्च गरिएको पैसा वा किनेको सामानको संख्यामा मात्रै असर पार्ने नभई यसले हामीले के किन्दै छौँ भन्ने विषयमा पनि असर पुर्याउँछ ।

मानिसहरु जोसमा आएर सपिङ गर्छन्

शोधका लेखक दिपायन बिश्वासका अनुसार क्याफिन एक शक्तिशाली उत्तेजक हो जसले दिमागमा डोपामाइन रिलिज गर्छ । डोपामाइनले मन र शरीरलाई उत्तेजित गर्छ । यसको सेवनले तपाईं ऊर्जावान् हुनुहुनेछ । यससँगै आवेग पनि बढ्छ । स्व नियन्त्रण कम हुन्छ । फलस्वरुप क्याफिनको सेवन गर्दा तपाईं धेरै किनमेल गर्नुहुनेछ र यसले खर्च पनि बढाउँछ ।

स्टोरमा ५० प्रतिशतभन्दा बढी खर्च

अनुसन्धानका लागि फ्रान्समा होमवेयर रिटेल स्टोर र स्पेनमा एक डिपार्टमेन्ट स्टोर बाहिर मानिसलाई कफीको प्रस्ताव राखियो । ३०० भन्दा बढी मानिसलाई सपिङ गर्नु अघि क्याफिन भएको कफी, क्याफिन नभएको कफी र पानी पिउन दिइएको थियो । त्यसपछि स्टोरबाट बाहिर निस्कने बित्तिकै आफ्नो बिल देखाउन भनियो ।
शोधमा पत्ता लागेअनुसार क्याफिनयुक्त कफी पिउने मानिसहरुले अरुको तुलनामा धेरै पैसा खर्च गरे र सामान पनि बढी नै खरिद थरे । उनीहरुले औसतमा २८।९१ डलर खर्च गरे र औसतमा २।१६ सामान खरिद गरे । जबकी क्याफिन सेवन नगर्नेहरुले १।४५ वटा सामान खरिद गरे र १५।५९ डलर खर्च गरे । यतिमात्र होइन, उनीहरुले थुप्रै अनावश्यक सामान पनि खरिद गरे ।

अनलाइन सपिङमा खरिद गरे अनावश्यक सामान

अर्को शोध अनलाइन सपिङका लागि पनि गरियो जसमा २०० जनालाई समावेश गरियो । मानिसहरुलाई ६६ चिजको एउटा सूचीबाट सामान खरिद गर्नका लागि भनियो । मानिसहरुले कफी पिएपछि जोशमा आएर थुप्रै अनावश्यक सामानलाई पनि कार्टमा राखे । जस्तै – मसाजर । तर क्याफिन नलिनेहरुले निकै समझदारीले सामान खरिद गरे ।
अनुसन्धानमा मोडरेट कफी ड्रिङ्कर अर्थात् जो मानिस दिनमा दुई कप मात्रै कफी पिउँछन् भने उनीहरु जोशमा किनमेल गर्छन् अर्थात् उनीहरुमाथि कफीको यस्तो असर बढी हुन्छ । तर जो अति नै धेरै कफी पिउँछन् भने उनीहरुमाथि यसको असर कम नै हुन्छ ।

प्रकाशित मिति: बिहिवार, असार ९, २०७९, ०८:१५:००