लुम्बिनीस्थित मायादेवी मन्दिरको दानपेटिका खोलियो, ४ दिन सम्म पैसा गनिने

समाचार

Home
समाचार
लुम्बिनीस्थित मायादेवी मन्दिरको दानपेटिका खोलियो, ४ दिन सम्म पैसा गनिने

लुम्बिनीस्थित मायादेवी मन्दिरको दानपेटिका खोलियो, ४ दिन सम्म पैसा गनिने

आइतवार, असार १९, २०७९ कञ्चन खवर

१९ असार, बुटवल ।

लुम्बिनीमा रहेको मायादेवी मन्दिर परिसरमा राखिएको दानपेटिका तीन महिनापछि आज खोलिएको छ। लुम्बिनी विकास कोषका कोषाध्यक्ष ढुण्डीराज भट्टराईको नेतृत्वमा सुरक्षाकर्मी, प्रहरी र अन्य सरोकारवालाहरुको उपस्थितिमा दानपेटिका खोली पैसा गन्न लागिएको हो। सीसीटीभी क्यामेरा जडान गरी गणना सुरु गरिएको हो। लुम्बिनी भ्रमणमा आएका पर्यटकहरुले गरेको दानलाई लुम्बिनीको विकासमा लगाउने गरी दानपेटिका सबै पक्षको रोहवरमा खोलिएको लुम्बिनी विकास कोषका कोषाध्यक्ष भट्टराईले बताउनुभएको छ ।चार वटा दानपेटिका खोलेर संकलित दानको गणना गर्न ४ दिनसम्म लाग्ने कोषाध्यक्ष भट्टराईले बताउनुभयो । गणना सुरु भएपछि हरेक दिनको गणना गरिएको दान रकम मुचुल्का उठाएर बैंकमा जम्मा गरिने बताउनुभयो ।

प्रकाशित मिति: आइतवार, असार १९, २०७९, ०९:३५:००