सालझण्डीमा युवतीको नग्न फोटो खिचेर ब्लाकमेलिङ गरी जबर्जस्ती गर्न खोज्ने २ पक्राउ

समाचार

Home
समाचार
सालझण्डीमा युवतीको नग्न फोटो खिचेर ब्लाकमेलिङ गरी जबर्जस्ती गर्न खोज्ने २ पक्राउ

सालझण्डीमा युवतीको नग्न फोटो खिचेर ब्लाकमेलिङ गरी जबर्जस्ती गर्न खोज्ने २ पक्राउ

सोमवार, श्रावण ९, २०७९ कञ्चन खवर

९ साउन, सैनामैना ।

सालझण्डीमा युवतीको नग्न फोटो खिचेर ब्लाकमेलिङ गरी जबर्जस्ती गर्न खोज्ने २ जना पक्राउ परेका छन । एक किशोरीको नग्न तस्बिर देखाउदै ति युवतीलाई ब्लाकमेलिङ गर्दै शारिरीक सम्बन्ध राख्न जबर्जस्ती गरेको भन्दै २ जनालाई पक्राउ गरिएको इलाका प्रहरी कार्यालय सालझण्डीले जनाएको छ । सैनामैना नगरपालिका सालझण्डीकी युवतीको नग्न फोटो खिचेर सोही फोटो भाईरल बनाईदिने धम्की दिँदै जबर्जस्ती गर्न खोज्ने १ किशोरसहित २ जनालाई पक्राउ गरिएको इलाका प्रहरी कार्यालय सालझण्डीले जनाएको हो । पक्राउ पर्नेमा १ जना १७ बर्षिय किशोर सहित गैडहवा ९ का जगन्नाथ मल्लाह रहेको प्रहरीले जनाएको छ ।

यस्तो छ घटनाक्रम.......

साउन ७ रातको १०:३० बजेको समयमा सालझण्डी प्रहरीका इन्सपेक्टर जगन्नाथ मरासिनीसहितको प्रहरी गस्ति टोलिले सैनामैना नगरपालिका स्थितको एकान्त ठाउँमा एक १९ वर्षिया युवती हकान्निएर रुँदै गरेको अवस्थामा फेला पार्दछ। रातको साढे दश बजिसकेको समयमा एकान्त ठाउँमा यसरी युवति रुनुलाई प्रहरीले अलि गम्भिर रुपमा लिएर सोधपुछ गर्दछ।
प्रहरीले सोधपुछ गर्ने क्रममा ति युवतिले आफू व्ल्याकमेलिङमा परेको कुरा प्रहरीलाई बताउँछिन्। एक डेढ बर्ष पहिला आफ्नो मोबाईलमा खिचेका निजि तस्विरहरु Ki NG नामको फेसबुक आईडि चलाउने अपरिचित व्यक्तिले फेला पार्दछन्। ति अपरिचित व्यक्तिले उक्त फोटोहरु युवतिको बहिनी नाता पर्नेलाई केहि दिन अघिदेखी नै पठाएर तेरो दिदीको बेईज्जत गरिदिन्छु फोटो भाईरल गराईदिन्छु छ यदि ईज्जत बचाउने हो भने मैले भनेजस्तो गर्न भनिदे भन्छन्। त्यसपछि ति युवति आफ्नो ईज्जत जाने डरले ति अपरिचित व्यक्तिलाई आफ्नो नम्बर दिएकोमा ति व्यक्तिले पटकपटक फोन गरी भेट्न आउने भए आउ नत्र फोटो भाईरल गराईदिन्छु भनि डर देखाई धम्कि दिएपछि ति युवति साउन ७ गते साँझ भेट्न जान बाध्य हुन्छिन।

यहिँबिचमा हाल प्रहरीले पक्राउ गरेका दुवैजनाले सैनामैना कलौनिमा रहेको मेडिकलबाट करिब साढे ६ बजेतिर नै ३ प्याकेट(१२ पिस) कण्डम किनेर युवतिको प्रतिक्षामा सैनामैना नगरपालिकाको कलौनि भन्ने ठाउँमा बस्छन्। साँझको पौने आठ बजेको आसपासमा बारम्बार ब्याकमेल गर्ने उनै अपरिचित अनुहारका दुईवटा मानिसहरु भेटिन्छन् र फोटो डिलिट गरिदिन युवतिले बारम्बार अनुरोध गर्छिन तर उनिहरुले यहाँभन्दा केहि तल आमी भन्ने ठाउँमा एउटा खालि घर छ त्यहिँ जाउँ अनि त्यहिँ बसेर तिम्रा फोटोहरु डिलिट गरिदिउँला भनि करिब रातको नौ बज्नै लागेको समयमा अटोमा चढाई डेढ दुई कि.मी तल लिएर कञ्चन गाउँपालिकाको हात्तिबजार भन्ने ठाउँमा लैजान्छन् , त्यहाँ पुग्ने बित्तिकै हाल पक्राउ परेका युवकहरुले हामीलाई यौन सम्पर्क गर्न नदिएसम्म हामिले तिम्रा फोटोहरु डिलिट गर्दिदैनौँ आफ्नो ईज्जत बचाउने भए हामिसँग यौन सम्पर्क गर्नुपर्छ भनि बाध्य पारेपछि ति युवति त्यहिँ डाँको छोडेर रुन थाल्छिन ।

यतिकैमा उनिहरुले निज युवतिलाई करणीको प्रयास समेत गर्दछन्। तुरुन्तै युवति बलजफ्ति रुँदै होहल्ला गर्दै भागेर त्यहिँको कलौनि-लुम्बिनी मुलबाटोमा निस्किन्छिन्। युवति भागेर घर जान लाग्दा पुन: उनै व्यक्तिले फोन गरी आउनेभए आईज नत्र भोलि बिहान फेसबुक हेर्नु भनि तर्साएपछि जिउनु न मर्नुको अवस्थामा पुगेकि युवति एकान्त ठाउँमा आई रुँदै बसिरहेकि हुन्छिन्। यतिबेला घडिले रातको पौने एघार बजाईसकेको हुन्छ। यत्तिकैमा ति युवतिको भेट ईलाका प्रहरी कार्यालय सालझण्डीको प्रहरी टोलिसँग भेट हुन्छ। तत्कालै उनले प्रहरी निरीक्षक जगन्नाथ मरासिनीलाई आफू ब्ल्याकमेलिङमा परेकोले आफूलाई बचाउन अनुरोध गरिन्। लगत्तै प्रहरी ति युवतिलाई बलात्कार उद्योग गर्ने युवाहरुको खोजिमा लाग्दछ यति बेलासम्म रातको करिब ११ बजिसकेको हुन्छ। त्यसपछि प्रहरीले अनुसन्धानको क्रममा भागिरहेका गैडहवा गाउँपालिकाका बर्ष १७ का गैडहवा १ (परिवर्तित नाम) र गैँडहवा गाउँपालिक वडा नं ९ वस्ने बर्ष २० को जगन्नाथ मल्लाहलाई रातको १ बजे सैनामैना नगरपालिका वडा नं ७ देउवापार स्थितबाट पक्राउ गरिएको प्रहरीले जनाएको छ।

प्रकाशित मिति: सोमवार, श्रावण ९, २०७९, ०५:२४:००