कञ्चनमा जग्गा नापी कार्य तिव्र

समाचार

Home
समाचार
कञ्चनमा जग्गा नापी कार्य तिव्र

कञ्चनमा जग्गा नापी कार्य तिव्र

शुक्रवार, श्रावण २०, २०७९ कञ्चन खवर

२० साउन, कञ्च
रुपन्देहीको कञ्चन गाउपालिकामा जग्गा नापी कार्य तिब्र रुपमा अगाडी बढेको छ। भुमिहिन दलित, भुमिहिन सुकुम्वासी तथा अव्यवस्थित बसोवासीहरुलाई जग्गाधनी पुर्जा दिन कञ्चनमा जग्गा नापी कार्य अन्तर्गतका बिभिन्न चरणहरु तिव्र रुपमा अगाडी बढाइएको छ।
कञ्चन गाउपालिकाका अध्यक्ष नवराज ढकालले दिनु भएको जानकारी अनुसार वडा नं. ३ का अधिक्तम ब्लकहरुको डिजिटल प्रबिधीको प्रयोग गरी ड्रोन मार्फत नाप गरी किट्टाकाट गर्ने कार्य शुरु भइसकको छ। यस्तै वडा नं. ४ मा पनि बिभिन्न स्थानमा राखिएका पोइन्टहरुको आधारमा ड्रोन मार्फत नाप शुरु गरिएको छ।

चुनावको समयमा कञ्चनवासीहरु बिच गरेको प्रतिवद्धता अनुरुप कञ्चनका करिब ७० प्रतिशत भुमिहिन दलित, भुमिहिन सुकुम्वासी तथा अव्यवस्थित बसोवासीहरुलाई जग्गाधनी बनाउने कार्यलाई सार्थकता बनाउन आवस्यक प्राबिधिकको परिचालन गरी नापी कार्यलाई अगाडी बढाइएको अध्यक्ष ढकालले बताउनु भएको छ। आफुले काम सम्पन्न हुनुपुर्व हल्लावाज गर्नु भन्दा परिणमामुखी कार्यलाई प्राथमिकता दिने बिषयलाई बढी ध्यान दिदै आइरहेको बताउनु भयो। अन्य स्थानीय तहहरुले आफुले गरेका कार्यहरुको प्रचार प्रसार गरिहरेको तर तपाइले कहा के गर्नु भएको छ भन्नेबारे कुनै जानकारी नहुदा कञ्चनवासी अलमलमा परिरहेको सन्दर्भमा अध्यक्ष ढकालले सो कुरा उल्लेख गर्नु भएको हो।
ड्रोन मार्फत एक पोइन्टबाट नाप गर्दा करिब २ सय ६० बिगाह नाप हुने र २८ देखि ३५ बिगाह क्षेत्रफलको एक ब्लक कायम गरीएको छ। कञ्चनमा १३ हजार भन्दा बढी भुमिहिन दलित, भुमिहिन सुकुमवासी तथा अव्यबस्थित बसोवासीहरुले जग्गाधनी पुर्जाका लागि आवेदन दिएका छन।