कार्वन उत्सर्जन न्युनिकरणका समुदायस्तरको सचेतना कार्यक्रम सम्पन्न

समाचार

Home
समाचार
कार्वन उत्सर्जन न्युनिकरणका समुदायस्तरको सचेतना कार्यक्रम सम्पन्न

कार्वन उत्सर्जन न्युनिकरणका समुदायस्तरको सचेतना कार्यक्रम सम्पन्न

शनिवार, श्रावण २१, २०७९ कञ्चन खवर

२१ साउन, कञ्चन
रुपन्देहीको कञ्चनमा सामुदायिक बन उपभोक्ता महासंघ नेपाल, रुपन्देहीको आयोजनामा कार्वन उत्सर्जन न्युनिकरण सम्बन्धी सचेतना कार्यक्रम सम्पन्न भएको छ। रेडप्लस, उत्सर्जन न्युनिकरण कार्यक्रम र लाभको बाँडफाँडमा सामुदायिक सहभागिता पहुँच सम्बन्धी समुदायस्तरको सचेतना कार्यक्रममा सहभागीहरुले बृक्षारोपण र बन बिकासका लागि प्रतिबद्धता ब्यक्त गरेका छन।
कार्वन उत्सर्जन न्युनिकरणका लागि सार्वजनिक तथा खुल्ला स्थानहरुमा बृक्षरोपण गर्ने कार्यलाई प्राथमिकता दिनु पर्ने र बैज्ञानिक बन व्यबस्थापनले दिगो बन बिकासमा भन्दा बन तस्कर, भ्रष्टचारी तथा बन तथा भु माफियाहरुले बन सिध्याउने खेल भएका कारण सामुदायिक बन उपभोक्ता महासंघले बैज्ञानिक बन व्यबस्थापन बिरुद्ध निरन्तर संघर्ष गर्दै आइरहेको महासंघ, रुपन्देहीका अध्यक्ष दिननाथ आचार्यले बताउनु भयो।
ठूला शक्तीराष्ट्र र औधेगिक बिकास भएका देशहरुले कार्वन उत्सर्जन गर्दै आइरहेको र उक्त उत्सर्जित कार्वन सञ्चय गर्नमा नेपाल जस्ता बिकासोन्मुख देशहरुले हरियो बनजंगलको संरक्षण गरी बिश्व मानव स्वास्थ्यमा ठूलो सहयोग गर्दै आइरहेको महासंघका रुपन्देही अध्यक्ष दिननाथ आचार्यले बताउनु भयो। सचेतना कार्यक्रममा कञ्चनका सामुदायिक बन उपभोक्ता समूहका पदाधिकारी, जनप्रतिनीधि र स्थानीय संचारकर्मीहरुलाई जलवायु परिवर्तनका कारण पारेको प्रभाववारे प्रशिक्षण दिदै अध्यक्ष आचार्यले हरेक बर्ष जलवायु परिवर्तनका कारण उत्पन्न प्राकृतिक प्रकोपको क्षतिपुर्ति वापत बिकाशिल देशहरुले नेपाललाई कार्वन उत्सर्जन न्युनिकरण स्वरुप आर्थिक सहयोग गर्दै आइरहेको बताउनु भयो।
अध्यक्ष आचार्यले बिकाशिल राष्ट्रहरुले अत्याधिक कार्वन उत्सर्जन गरेकै कारण नेपालका तराईका १३ जिल्लामा रहेको ११ लाख ७४ हजार हेक्टर बन क्षेत्रबाट ३ करोड ४२ लाख कार्वन स्टक रहे पनि नेपाल सरकारले ९० लाख मेट्रिक टन कार्वनमा बिक्री गर्ने सम्झौता गरेको बताउनु भयो। हरेक बर्ष नेपालका सेता हिमाल कालापत्थरमा परिणत हुदै जानु, समयमा बर्षा नहुनु, बिभिन्न बिपत्ती तथा प्राकृतिक प्रकोप देखा पर्दै गई धेरै नोक्सानी ब्यहोर्नु परेका कारण बन संरक्षणमा ध्यान दिन आवस्यक रहेको बताउनु भयो। कार्वन उत्सर्जन न्युनिकरणमा कञ्चनका सामुदायिक बन, राष्ट्रिय बन, कबुलियती बन र निजी बनहरुो ठूलो योगदान रहेको र ती समूहहरुलाई स्थानीय तहले पनि आवस्यक योजना बनाई सहयोग गर्नु पर्नेमा सहभागीहरुले जोड दिएका थिए।
कार्यक्रममा कञ्चन गाउपालिकाका अध्यक्ष नवराज ढकालले सामुदायिक बनको अवधारण आउदा र आज त्यसको कार्यान्वयनको २ दशक बित्दा बनको महत्व र आवस्यकता धेरै फरक भएको बताउनु भयो। सामुदायिक बनको अवधारणा समयमै नआएको भए सायद कञ्चनमा अहिले हरियो बनको कुनै अंश देख्न नसकिने बताउदै गाउपालिका अध्यक्ष ढकालले अहिलेको चुनौती कार्वन उत्सर्जन न्युनिकरणमा नै रहेको बताउनु भयो।

प्रकाशित मिति: शनिवार, श्रावण २१, २०७९, ०६:३६:००