सुटिङकै क्रममा रहेको ‘पुष्पा २’को कथा लिक !

मनोरञ्जन

Home
मनोरञ्जन
सुटिङकै क्रममा रहेको ‘पुष्पा २’को कथा लिक !

सुटिङकै क्रममा रहेको ‘पुष्पा २’को कथा लिक !

बुधवार, असार ८, २०७९ कञ्चन खवर

८ असार, एजेन्सी ।

कोरोना कारण थलिएको फिल्म उद्योगलाई दक्षिण भारतीय फिल्म ‘पुष्पाः द राइज’बाट केही तङ्ग्रियो । त्यसपछि आएका अधिकांश दक्षिण भारतीय फिल्महरूले भारतमा मात्र नभएर नेपालसहित देशका बक्सअफिस तताए । केजिएफ २’, ‘आरआरआर’, ‘विक्रम’ जस्ता फिल्महरूको बक्स अफिस कलेक्सन निकै लोभलाग्दो छ । कोरोनापछि बक्सअफिस तताएको अल्लु अर्जुन स्टारर ‘पुष्पाः द राइज’को अब भने दोस्रो भाग आउने भएको छ । फिल्म बन्ने खबरसँगै यसको कथा लिक भएको समाचारले पनि चर्चा पाएको छ ।
फिल्मको दोस्रो भाग ‘पुष्पाः द रुल’ मा श्रीवल्लीको भूमिका देखिएकी नायिका रश्मिका मन्दानालाई खलनायक फहाद फासिलले मार्ने खबर बाहिरिएसँगै सामाजिक सञ्जालमा फिल्मबारे अनेकौं अड्कलबाजी सुरु भएको छ । कथा लिक भएको विषयमा फिल्मको टीम भने अहिलेसम्म मौन छ । टीमले अहिलेसम्म औपचारिक रूपमा कथा लिकको बारेमा नबोलेको भारतीय सञ्चारमाध्यमले जनाएका छन् । अहिले धमाधम सुटिङ चलिरहेको फिल्म सन् २०२२ भित्रै प्रदर्शनमा ल्याउने निर्माण पक्षको तयारी छ ।

प्रकाशित मिति: बुधवार, असार ८, २०७९, ०४:५९:००