कञ्चनमा नेकपा एमालेले टुंग्यायो पालिका अध्यक्ष र उपाध्यक्षको नाम, अध्यक्षमा दिननाथ आचार्य

राजनीति

Home
राजनीति
कञ्चनमा नेकपा एमालेले टुंग्यायो पालिका अध्यक्ष र उपाध्यक्षको नाम, अध्यक्षमा दिननाथ आचार्य

कञ्चनमा नेकपा एमालेले टुंग्यायो पालिका अध्यक्ष र उपाध्यक्षको नाम, अध्यक्षमा दिननाथ आचार्य

आइतवार, बैशाख ११, २०७९ कञ्चन खवर

११ बैशाख, कञ्चन
बैशाख ३० गते सम्पन्न हुन गइरहेको स्थानिय तहको चुनावका लागि नेकपा एमालेले कञ्चनको अध्यक्ष पदको उमेद्वारको नाम टुंगो लगाएको छ। एमाले भित्र भएका अन्तिम ३ आकांक्षी उमेद्वारहरु मध्येबाट नेकपा एमाले, कञ्चन गाउ कमिटीका अध्यक्ष दिनानाथ आचार्यको नाम अन्तिम टूगो लागेको हो ।
गाउपालिका अध्यक्ष पदका उमेद्वारको रुपमा अन्तिम नाम टुंगो लागेका दिनानाथ आचार्य हाल रुद्रपुर खानेपानी उपभोक्ता तथा सरसफाई संस्थाका अध्यक्ष हुन। यस्तै सामुदायिक बन उपभोक्ता महासंघ, रुपन्देहीका अध्यक्ष समेत आचार्य आम मतदाता बिच सरल र मृदुभाषी व्यक्तिका रुपमा परिचित छन। रुद्रपुर सामुदायिक बन उपभोक्ता समूहको अध्यक्ष सम्हालेर आम उपभोक्ताहरुका बिच अव्वल नेतृत्व साबित गरेका आचार्य नेकपा एमालेका कर्तब्यनिष्ठ कार्याकर्ता हुन। अध्यक्ष पदका लागि अन्तिम ३ मा नेकपा एमाले, कञ्चनका इन्चार्ज भरतमणी सापकोटा र गाउपालिका अध्यक्ष तथा लुम्बिनी प्रदेश सदस्य गोकर्ण बहादुर क्षेत्रीले बलियो दावी गर्दै आएका थिए ।
यस्तै उपाध्यक्ष पदकोे उमेद्वारमा ओमकली राहादीको नाम टुंगो लागेको छ। बिभिन्न संघसंस्थामा आवद्ध भएर सामुहिक नेतृत्व बिकास गरेका ओमकली राहादीले अन्तिम ३ जना आकांक्षी उमेद्वारका बिच पार्टीबाट उपाध्यक्ष पदको उमेद्वारी पाएका हुन।
एमालेको तर्फबाट कञ्चन गाउपालिकाको उपाध्यक्ष पदका उमेद्वार ओमकला राहादीले इन्द्रेणी ग्रामिण बिकास नेपालको सहजकर्ता भएर आफुलाई समाजमा परिचित बनाउने मौका पाएका थिए । उनको समाज प्रतिको उत्तरदायित्वको सहजपुर्ण जिम्मेवारीलाई अझ पराकिलो बनाउदै जानेक्रममा पछि हेफर इन्टरनेश्नल नेपालको सहजकर्ता, एल.एफ.पी, आद्रा नेपाल लगायत संस्गाहरुमा रहेर सहजकर्ताको रुपमा कार्य गरेका थिए । पछिल्लो समय लहर सामाजिक महिला उधमी सहकारी संस्थाको सचिव तथा कञ्चन गाउ स्मार्ट कृषि कार्यक्रमको सहजकर्ता भएर पनि सामाजिक सेवाको अनुभव संगालेका छन।
नेकपा एमाले सम्बद्ध अखिल नेपाल महिला संघ, रुपन्देही क्षेत्र नं. ५ (क)को क्षेत्रिय सदस्य रहेका राहादीले पहिलो पटक जनप्रतिनीधिको रुपमा काम गर्नको लागि पार्टीको तर्फबाट उपाध्यक्ष पदको उमेद्वारी दावी गर्दै आएका थिए । उपाध्यक्ष पदका लागि हिमा बेलवासे, रेनु कुवंर, गोमा तरामु, सरला ढकालले पार्टीको तर्फबाट उमेद्वारी दावी गर्दै आएका थिए।

प्रकाशित मिति: आइतवार, बैशाख ११, २०७९, ०५:५८:००