कञ्चनको कांग्रेसभित्र गएको पहिरो पुरियो कांग्रेसी कार्यकर्ताहरुमा थपियो उत्साह

राजनीति

Home
राजनीति
कञ्चनको कांग्रेसभित्र गएको पहिरो पुरियो कांग्रेसी कार्यकर्ताहरुमा थपियो उत्साह

कञ्चनको कांग्रेसभित्र गएको पहिरो पुरियो कांग्रेसी कार्यकर्ताहरुमा थपियो उत्साह

शुक्रवार, बैशाख २३, २०७९ कञ्चन खवर

२३ बैशाख, कञ्चन
रुपन्देहीको कञ्चनमा अघिल्लो हप्ता गएको कांग्रेस भित्रको ठूलो पहिरो पुरिएको छ। नेपाली कांग्रेस कञ्चनको आन्तरिक छलफल र पार्टीबाट असन्तुष्ट भई साधारण सदस्य समेत नरहनेगरी राजिनामा दिएका स्थानिय नेता कार्यकर्ताहरुसंगको आपसी छलफलबाट पुन निर्माण भई उक्त पहिरो पुरिएको हो ।
नेपाली कांग्रेस, कञ्चनका सभापति देविराम रेग्मीले दिनु भएको जानकारी अनुसार पार्टीबाट असन्तुष्ट भई गएको साता पार्टीको साधारण सदस्य समेत नरहनेगरी कांग्रेसका क्षेत्रिय प्रतिनीधि सहित २३ जनाले पुन: पार्टीलाई अझ बलियो बनाउदै जिवन्तता दिने प्रण सहित राजिनामा स्वफुर्त फिता लिएका हुन।
नेपाली कांग्रेसका क्षेत्रिय प्रतिनीधि विनोद कुमार थारु, कञ्चन गाउ समितिका सदस्य मंगल प्रसाद थारु, वडा समिति सदस्य रामनारायण थारु लगायत २३ जनाले दिएको राजिनामा दिएका एकजना सदस्यले आफ्नो राजिनामा फिर्ता लिदै आगामी बैशाख ३० गते हुने स्थानिय तहको निर्वाचनमा उठेका नेपाली कांग्रेस र नेकपा माओवादी केन्द्रको गठबन्धनका उमेद्वारहरुलाई अत्याधिक बहुमतले विजयी गराउन चुनावी प्रचार अभियानमा लागेको बताए । पार्टीको साधारण सदस्य समेत नरहनेगरी पार्टीमा राजिनामा दिएका एक सदस्यले कञ्चन खवरका स्थानिय सम्वाददातासंग भने "हामीलाई पार्टीबारे गलत कुरा बताइयो र त्यसैको बहकावमा लागेर पार्टीलाई नोक्सान हुनेगरी राजिनामा दिनु गलत भएको महसुस भयो । तसर्थ स्वइच्छाले सामुहिक रुपमा पुन राजिनामा फिर्ता लियौं।"
राजिनामा दिएका स्थानिय नेता कार्याकर्ताहरुबाट पुन: राजिनामा फिर्ता भएपछि कञ्चनका कांग्रेस र नेकपा माओवादी केन्द्रको गठबन्धनमा थप उर्जा थपिएको गठबन्धनका एक सदस्यले बताए ।

प्रकाशित मिति: शुक्रवार, बैशाख २३, २०७९, ०३:२६:००