कोख र शोकमा पनि जनताको साथसाथ रहने प्रतिवद्धता

राजनीति

Home
राजनीति
कोख र शोकमा पनि जनताको साथसाथ रहने प्रतिवद्धता

कोख र शोकमा पनि जनताको साथसाथ रहने प्रतिवद्धता

शुक्रवार, बैशाख २३, २०७९ कञ्चन खवर

२३ बैशाख,सैनामैना
सैनामैनाका गठबन्धनका उम्मेदवारहरुले मतदाताहरुसंग कोख र शोकको अवस्थामा पनि जनतासंगै रहने प्रतिवद्धता जनाएका छन ।
घरदैलो गर्ने क्रममा नेपाली कांग्रेसका नगर प्रमुखका उम्मेदवार फणेन्द्रप्रसाद शर्मा र नेकपा माओवादीका उपप्रमुखका उम्मेदवार मानवहादुर महत (नारायण) ले सैनामैनाका मतदातासमक्ष जस्तोसुकै कठिन परिस्थितिमा पनि आफूहरु मतदाताको माझ रहने प्रतिवद्धता जनाउनु भएको हो ।
नगर प्रमुखका उम्मेदवार फणेन्द्रप्रसाद शर्माले सैनामैनाका जनताका लागि खुसीको बेलाको कोख र दुःखको बेलाको शोकको अवस्थामा पनि संगै रहने प्रतिवद्धता जनाउनु भयो । उम्मेदवार शर्माले आफूहरुले मतदातासमक्ष पूरा गर्न नसकिने आश्वासन नबाँड्ने बताउँदै सैनामैनाको जनताको मन मस्तिस्कमा बस्ने सक्नेगरी काम गर्ने प्रतिवद्धता जनाउनु भयो ।
एमालेको नेतृत्वले सैनामैनाका खोलानाला ध्वस्त बनाएको बताउँदै उमेद्वार शर्माले प्राकृतिक श्रोत साधनको दोहन होइन संरक्षण गरिने बताउनु भयो ।
सैनामैनामा कक्षा १२ सम्मको शिक्षा निशुल्क गर्ने प्रतिवद्धता दोहो¥याउँदै शर्माले आफूले स्वास्थ्य क्षेत्रबाट पनि केही समय जनताको सेवा गरेकोले सुत्केरी आमाको पीडा कस्तो हुन्छ भन्ने अन्तरह्दयबाटै महसुस गरेकोले सुत्केरी आमाहरुलाई पोषणभत्ता उपलव्ध गराउने उमेद्वार शर्माले प्रतिबद्धता ब्यक्त गर्नु भयो ।
त्यसैगरी सैनामैनाका उपप्रमुखका उम्मेदवार नेकपा माओवादी केन्द्रका मानवहादुर महत (नारायण) ले सैनामैना नगरपालिकामा आम सर्वसाधारणको पहुँच पु¥याउने र जनताको दुःखमा सधै साथमै रहेर काम गर्ने प्रतिवद्धता व्यक्त गर्नुभयो । एमालेलाई जनताले ५ बर्ष सम्म स्थायी सरकार सञ्चालन गर्ने मौका जनताले दिए पनि जनतामाथी ढोका दिदै पटकपटक संसद बिघटनगरी अप्रजातान्त्रिक र गैर जिम्मेवारीपन देखाएको र फेरी पनि भोट दिनुस भन्दै भोट माग्ने कुनै अधिकार एमालेसंग नभएको बताउदै उपाध्यक्ष पदका उमेद्वार महतले जनताको साँचो अर्थमा सेवा गर्ने गठबन्धनको सबै उमेद्वारहरुलाई मत दिन आग्रह गर्नु भयो ।

प्रकाशित मिति: शुक्रवार, बैशाख २३, २०७९, ०९:५३:००

प्रतिक्रिया दिनुहोस्