सञ्चालनमा आउन नसकेको सर्पदंश अस्पताल तुरुन्तै सञ्चालन गछौं : शर्मा

राजनीति

Home
राजनीति
सञ्चालनमा आउन नसकेको सर्पदंश अस्पताल तुरुन्तै सञ्चालन गछौं : शर्मा

सञ्चालनमा आउन नसकेको सर्पदंश अस्पताल तुरुन्तै सञ्चालन गछौं : शर्मा

मंगलबार, बैशाख २७, २०७९ कञ्चन खवर

२७ बैशाख, सैनामैना
गठबन्धनका तर्फबाट सैनामैनाको नगर प्रमुखका उमेदवार फणेन्द्रप्रसाद शर्माले आफूहरुको जीतपछि करोडौं लगानी गरेर निर्माण गरिएको सालझण्डीको सर्पदंश अस्पताल तत्कालै सञ्चालनमा ल्याउने बताउनु भएको छ ।
चुनावी सभालाई आईतवार सम्वोधन गर्दै नेपाली कांग्रेसका नेता समेत रहनु भएका उम्मेदवार शर्माले नगर प्रमुखले आफ्नो नाम ढुंगामा कुँदेर अस्पतालको उदघाटन गरेपनि सञ्चालन नगरेर जनतालाई सास्ती दिएको बताउनु भयो ।
उहाँले आफू जितेर नगरपालिकामा आएपछि तुरुन्तै सर्पदंश अस्पताल संचालनमा ल्याउने प्रतिवद्धता जनाउँदै यसअघिका जनप्रतिनिधिले बन्द गरेका सरकारी विद्यालय पनि तत्काल सञ्चालनमा ल्याउने उल्लेख गर्नुभयो ।
स्थानीय सालझण्डीका जनताको समेत लाखौं लगानी रहेको सर्पदंश अस्पताल सञ्चालन नगरेर जनप्रतिनिधिले जनताको उपचार पाउने अधिकारमाथि घात गरेको समेत शर्माले बताउनु भयो ।
उमेदवार शर्माले नेकपा एमालेले पाँच बर्ष अघि सैनामैनामा जितेपछि कर बढाएर जनतालाई ढाड सेक्ने काम गरेको बताउँदै आफूहरुले कर घटाउने प्रतिवद्धता जनाउनु भयो ।
उहाँले सरकारी स्कुलमा अंग्रेजी शिक्षाका नाममा महंगो शुल्क लिएर गरिवका छोरा छोरीले पढन सक्ने बाताबरण नभएको बताउँदै आफूहरु आएपछि शुल्क मिनाहा गर्ने प्रतिवद्धता जनाउनु भयो ।
कार्यक्रममा नेपाली कांग्रेसका जिल्ला सदस्य रामबली चौधरीले नेपाली कांग्रेसको जीत निश्चित भएको भन्दै नेता कार्यकर्तामा समेत उत्साह छाएकोले सैनामैनाका कांग्रेसको पक्षमा माहोल बनेको छ भन्नुभयो । उहाँले नेकपा एमालेको सरकारले कर बढाएर जनतालाई आहत बनाएको बताउँदै डिपिआरका नाममा भ्रष्टाचार गरेर करोडौं कुम्ल्याएको दावी गर्नुभयो ।
चौधरीले नेकपा एमालेको हार निश्चित भैसकेको बताउँदै नेपाली कांग्रेसले जितेपछि सैनामैनाको विकासमा सामूहिकरुपमा लाग्ने प्रतिवद्धता जनाउनु भयो ।
सोही कार्यक्रममा सैनामैना नगरपालिका वडा नं. ६ का उमेदवार गोपाल पोखरेलले गठबन्धनका उम्मेदवारलाई जिताउन आग्रह गर्दै गठबन्धनले जितेमात्र यहाँको विकास हुने बताउनु भयो ।
आईतवार सैनामैनाका विभिन्न स्थानमा आयोजित चुनावी कार्यक्रममा स्थानीय जनताको बढ्दो सहभागिताले सैनामैनामा गठबन्धनको जीत निश्चित भैसकेको बताइएको छ ।

प्रकाशित मिति: मंगलबार, बैशाख २७, २०७९, ०६:०४:००

प्रतिक्रिया दिनुहोस्