चुनावको मौन अवधी शुरु, दल र उमेद्वार घर घरमा भोट माग्दै

राजनीति

Home
राजनीति
चुनावको मौन अवधी शुरु, दल र उमेद्वार घर घरमा भोट माग्दै

चुनावको मौन अवधी शुरु, दल र उमेद्वार घर घरमा भोट माग्दै

मंगलबार, बैशाख २७, २०७९ कञ्चन खवर

२७ बैशाख, कञ्चन
बैशाख ३० गते हुन गइरहेको स्थानिय तहको चुनावको मौन अवधी आज मध्यरात १२ बजेबाट शुरु हुदै छ। दल र उमेद्वारहरुले चुनावी प्रचार अभियानलाई सांझ ७ बजेबाट स्थगित गरेका छन। तर बैशाख ३० गते हुने स्थानीय तहको चुनावको परिणाम आफ्नो पक्षमा पार्न दल र दलका उमेद्वार एक छिन पनि आराम गरेका छैनन।
कञ्चनमा १० राजनैतिक दल सहित स्वतन्त्रगरी १४९ जनाले उमेद्वारी दिएका छन। नेकपा एमाले, नेपाली कांग्रेस, नेकपा एकिकृत समावादी, राष्ट्रिय प्रजातन्त्र पार्टी, नेपाल मजदुर किसान पार्टी, राष्ट्रिय जनमुक्ती पार्टी, जनता समाजवादी पार्टी, राष्ट्रिय जनमोर्चा, मंगोल नेश्नल अर्गानाइजेशन, जनसमाजवादी पार्टी, जनमत पार्टी दुई स्वतन्त्रले उमेद्वारी दिएका छन।
गत बैशाख १७ गते १ सय ४९ जना उमेद्वारहरुले चुनाव चिन्ह पाएपछि चुनावी अभियानलाई तिव्रता दिएका थिए। केही राजनैतिक दलहरुले बाहेक प्रायले आचार संहिता बिपरित ठूला ठूला साउण्ड सिस्टमबाट चुनाव प्रचार गरेका थिए । नेकपा एमाले र नेपाली कांग्रेसले मतदाताहरुलाई प्रभावित पार्न मोटरसाइकल र्याली सहित डिजे साुउण्डको प्रयोग गरी चोक चोकमा नाच्दै हिडेका थिए ।
दुबै राजनैतिक दलहरुको मुख्य एजेण्डा कञ्चनको सुकुमवासी समस्या र अव्यबस्थित बसोवासीहरुका लागि लालपुर्जा दिने आश्वासन सहित मतदाताको घर घरमा पुगेका थिए भने स्वतन्त्र हैसियतले उमेद्वारी दिएको राष्ट्रिय जनमोर्चा समन्वय समिति र देशभक्त जनगणतान्त्रिक मोर्चाको संयुक्त प्रगतिशिल मोर्चा र नेपाल मजदुर किसान पार्टीले घर घरमा मतदाता शिक्षा सहित चोकचोमा कोण सभागरी शासक दलहरुले गर्दै आएको भ्रष्टचार, अनियमित्ता, बेथिति र पटक पटक ठग्दै आएको गलत प्रबृत्तिका बिरुद्ध जनतालाई सचेत गराएका थिए ।
यस्तै नेकपा एकिकृत समाजवादी पार्टी, राष्ट्रिय प्रजातन्त्र पार्टी लगायत दलहरुले आफ्नो प्रतिबद्धता पत्र सहित मतदाताहरुको घरघरमा पुगेर मत मागेका थिए । कञ्चन गाउपालिकामा अध्यक्ष र उपाध्यक्ष सहित २७ जना जनप्रतिनीधिका लागि १ सय ४९ जनाले उमेद्वारी दिएको निर्वाचन अधिकृतको कार्यालय, कञ्चनले जनाएको छ। निर्वाचन अधिकृतको कार्यालय, कञ्चनका अनुसार दुई स्वतन्त्र उमेद्वार सहित १० राजनैतिक दलबाट १२ जनाले गाउपालिका अध्यक्ष पदमा उमेद्वारी दिएका छन भने उपाध्यक्ष पदमा ११ जनाको उमेद्वारी परेको छ।
यस्तै ५ वडा अध्यक्षका लागि ३८ जनाको उमेद्वारी रहेको छ। जसमध्ये वडा नं. १ मा १० जना, वडा नं. २ मा ६ जना, वडा नं. ३ मा ८ जना, वडा नं. ४ मा ७ जना र वडा नं. ५ मा ७ जनाले वडा अध्यक्ष पदमा उमेद्वारी दिएका छन। यसैगरी ५ महिला सदस्य पदका लागि २१ जना र दलित महिला सदस्यका लागि १८ जनाको उमेद्वारी रहेको छ। यसैगरी १० खुल्ला सदस्य पदका लागि ४९ जनाको उमेद्वारी रहेको निर्वाचन अधिकृतको कार्यालय, कञ्चनले जनाएको छ।

प्रकाशित मिति: मंगलबार, बैशाख २७, २०७९, ०८:३१:००

प्रतिक्रिया दिनुहोस्