राष्ट्रिय जनमुक्ती पार्टीको बिस्तारित बैठक रुपन्देहीमा

राजनीति

Home
राजनीति
राष्ट्रिय जनमुक्ती पार्टीको बिस्तारित बैठक रुपन्देहीमा

राष्ट्रिय जनमुक्ती पार्टीको बिस्तारित बैठक रुपन्देहीमा

शुक्रवार, श्रावण ६, २०७९ कञ्चन खवर

६ असार,रुपन्देही
राष्ट्रिय जनमुक्ती पार्टीको विस्तारित बैठक बिहीबार देखि तिलोत्तमामा रहेको पार्टी कार्यालय रुपन्देहीमा सुरु भएको छ ।
तीन दिन सम्म चल्ने बिस्तारित बैठकले पार्टीको आगामी कार्यदिशा र कार्यनीति तय गर्ने सो पार्टीले जानकारी दिएको छ । राष्ट्रिय जनमुक्ती पार्टीका केन्द्रीय कार्यकारी अध्यक्ष केशव सुर्यबशीले अब पार्टीले लिने कार्यदिशा र कार्यनीतिका विषयमा बैठकमा ब्यापक छलफल हुने जानकारी दिए ।
उनले आसन्न प्रतिनिधि सभा र प्रदेश सभा निर्वाचनको विषय पनि विस्तारित बैठकको मुख्य एजेण्डा रहेको बताए । अबको निर्वाचनमा कसरी जाने र बैकल्पिक शक्तिको रुपमा उदाउने रणनीतिका विषयमा बैठकमा छलफल हुने जानकारी दिए । बिस्तारित बैठकबाटै नै अबको निर्वाचनको रणनीति तय हुने सुर्यबशीले बताए ।
अहिले देश राष्ट्रिय संकटमा रहेको र बैठक लगत्तै भण्डाफोर कार्यक्रम सञ्चालनका विषयमा छलफल हुने उहाँले बताए । पार्टीका विधानमा रहेको त्रुटी सच्चाउनको लागि पनि बैठक राखिएको राष्ट्रिय जनमुक्ती पार्टीले जनाएको छ । राष्ट्रिय जनमुक्ती पार्टीका केन्द्रीय अध्यक्ष केपि पालुङ्गवाको अध्यक्षतामा दोश्रो दिनको बैठक सुरु भएको छ ।
बैठकको पहिलो दिन केन्द्रीय सदस्य, पदाधिकारीहरुले मन्तब्य राखेका छन । शुक्रबार र शनिबार पार्टीको विधान संसोधन र अगामी निर्वाचनका विषयमा छलफल हुने कार्यतालिका रहेको छ । बैठक साउन ७ गते सकिने छ ।
बिस्तारित बैठकले नवप्रबेशी सामाजिक अभियन्ता तथा बुद्धिजीवी बिधु प्रकाश कायस्थ लाई उपाध्यक्ष पदमा जिम्मेवारी प्रदान गरेको छ भने स्थानीय निर्वाचनका स्वतन्त्र उमेदवार जिबपती श्रेष्ठ (भक्तपुर) लाई संघीय परिषद सदस्य को जिम्मेवारी प्रदान गरेको छ।

प्रकाशित मिति: शुक्रवार, श्रावण ६, २०७९, ११:१८:००